25

urr / 2017

XX.Enpleguaren Astea izango da urriaren 26an

  • Urriaren 17an argitaratu dituzte enplegu profilak, eta urriaren 26an azoka izango da Ficoban.
  • Sarrera libreko gunea egongo da, aldez aurretik izena emateko beharrik gabe.

Enpleguaren XX. Astea antolatu dute Irungo eta Hondarribiko Udalek, Bidasoa bizirik-en bidez. Bidasoa bizirik-ek urte osoan zehar antolatzen dituen jardueren artean egonkortutako azoka da. Bidasoa eskualdeko lan eskaintzak biltzen dira bertan, eta horiek kudeatzen dituzten entitateak ezagutzeko aukera ematen du. 2017ko maiatzean burututako azken edizioan, 700 lagun hurbildu ziren.

Seguir leyendo

Kategoria: Azoka, Empleo, Enplegua

24

urr / 2017

Hazitek 2017 . Enpresa I+G bultzatzeko programa – II. fasea.

Laguntza-erregimen hau itzuli beharrik gabeko diru-laguntzak ematean datza Ikerketa Industrialeko edo Garapen Esperimentaleko Proiektuak egin daitezen, lehia arloan bezala estrategia arloan ere, Euskal Autonomia Erkidegoko enpresa-sektorean, bai eta 2020rako Euskadiko Zientzia, Teknologia eta Berrikuntzarako Planaren barruko espezializazio esparruetan ere.

Epea: 2017/11/02 (12etan)

info +

info ++

Kategoria: Diru-laguntzak, Ekintzaile-komunitatea, Enpresa-kudeaketa

23

urr / 2017

EAEko arrantza eta akuikultura sektorerako laguntzak 2017

Xedea: Euskal Autonomia Erkidegoko arrantza-sektorerako 2016rako laguntzak Europako Parlamentuaren eta Kontseiluaren 2014ko maiatzaren 15eko Europako Itsas eta Arrantza Funtsari buruzko 508/2014 zenbakiko Erregelamenduan (EB) aurreikusten dira.

Epea: 2017/11/20

info +

info ++

Kategoria: Diru-laguntzak, Enpresa-kudeaketa

23

urr / 2017

EKIN ASTEAZKENETAN: Visual Thinking-eko hastapena

Izena eman ezazu Visual Thinking-eko hastapeneko tailerrean. Irungo Udalak antolatzen du, Bidasoa biziriken bidez, eta urriaren 25ean izango da, asteazkenarekin, Irun Factoryn.

Visual Thinking edo Pentsamendu Bisuala ideiak edo pentsamenduak irudi bidez adieraztea da. Oso tresna erabilgarria da; izan ere, ideiak formatu bisualean partekatzeak idatziz baino modu eraginkorragoan komunikatzen laguntzen du, eta, ondorioz, hazi egiten da lanaren eraginkortasuna. Design Thinking metodologiaren osagarri bikaina da; bereziki, ideia sortzeko fasean.

Tailerra ekintzailetza-prozesuan dauden pertsonentzako da; zehazki, ideiak edo proiektuak irudiz edo ikonoz, hitz egin edo azaldu beharrik gabe, zuzenean komunitzeko aukera ematen duen metodologia horretan hasi nahi dutenentzat. Metodologia horrek, gainera, lagundu egiten dio burmuinari azkarrago pentsatzen eta azaldutako ideietatik abiatuta ideia berriak sortzeko gai izaten.

Irungo Udalak eta % 65ean Eskualde Garapeneko Europako Funtsak (FEDER) Interreg V-A Espainia-Frantzia-Andorra programaren bidez (POCTEFA 2014-2020) kofinantzatu dute proiektua.

DATA: Urriak 25.

ORDUTEGIA: 09:00etatik 13:00etara.

LEKUA: Irun Factory (José Antonio Loidi Bizkarrondo kalea 8-behea)

IZENA EMATEA

EZ GALDU AUKERA, PARTE HARTU!!!

Informazio gehiago

Bidasoa bizirikeko Ekintzailetza eta Autoenplegu departamentua

943-633937 – empresas@bidasoa-activa.com

Kartela-Visual-Thinking

Kategoria: Bideoak, Ikastaroak eta tailerrak

18

urr / 2017

“Elkarlan” sarien hirugarren deialdiak, lehenengo aldiz, open data kulturarekin erlazionatutako lan onena sarituko du

Euskal Herriko Agintaritzaren Aldizkariak “Elkarlan, Eusko Jaurlaritzaren balio publikoko kogenerazio proiektuak” sarien deialdia argitaratu du. Sarion helburua honako sei arlo hauetako behar edo gizarte erronkei erantzuteko lau proposamen onenak aitortzea da: osasuna, ingurumena, garapen ekonomikoa, ikaskuntza, gizarte kohesioa eta open data kultura.

Sarion hirugarren deialdia da eta, lehenengo aldiz, datu askeen filosofia sarituko da. Edizio hau, aurrekoetan bezala, gizarte zibileko erakundeei zuzenduta dago: gobernuz kanpoko erakundeak, elkarteak, irabazi asmorik gabeko fundazioak…

Proposamen guztiek pertsona eta kolektiboen ahalduntze-prozesuak aktibatzeko gaitasuna agertu beharko dute, bai diseinu fasean, bai inplementazio fasean ere. Hautagaitzak aurkezteko epea urriaren 27ra arte luzatuko da, eta elektronikoki egin ahal izango da honako webgunearen bitartez: www.euskadi.eus.

SARIAK

Sari bana emango zaie osasun, ingurumen, garapen ekonomiko, hezkuntza eta gizarte kohesioaren arloetan balorazio onena lortzen duten hiru proiektuei. Eta laugarren proiektu batek ere saria jasoko du, open data kulturari lotutakoa hain zuzen ere. Hautatutako lau egitasmoetako bakoitzak honako sari hauek jasoko ditu:

  • 6.000 euro, gehienez ere, proiektuan azaldutako hobekuntza neurriak indarrean jartzeko
  • Proiektuaren berri ematea informazio eta komunikazio bideetan, egitasmoari jendaurreko aitorpena emateko eta berau sustatzeko

Elkarlan sarien deialdiarekin Eusko Jaurlaritzak aurrera egiten du honako konpromiso hauetan: gizarte eragileen partaidetza sustatzea, herri jarduerak duen gizarte impaktua aitortzea, eta administrazioaren eta herritarren arteko berrikuntza sustatzea.

HERRITARREN PARTAIDETZAKO LIBURU ZURIA

Herritarren partaidetzako jardunbide egokiak bultzatzeko asmoa duen sariketa honek, Jaurlaritzak Euskadiko demokraziari eta herritarren parte-hartzeari buruzko Liburu Zuria lanean hartutako konpromisoekin bat egiten du, uneotan indarrean jartzen ari direnak. Zehazki, sariketa deituta, Eusko Jaurlaritzak liburuaren helburuetako bat betetzen du: herritarren partaidetza sustatzen duten formulak garatzea ahalbidetzen duten esperientzia berritzaileak bultatzea.

Euskadiko demokraziari eta herritarren parte-hartzeari buruzko Liburu Zuria 2014an aurkeztu zen EAEko herri-administrazioaren eta herritarren arteko elkarrizketarako, negoziaziorako eta akordiorako mekanismo iraunkorrak sortzeko tresna gisa, herritarrek beraiei zuzenean eragiten dieten erabakietan parte hartu ahal izateko.

Kategoria: Lehiaketak, Proiektuak, Sariak

11

urr / 2017

Irekita dago XXI Ekintzailetza Sarien hamaikagarren edizioko deialdia!

Enpresa berritzaile gaztea bazara eta grina eta indarra badituzu, hauxe da zuretzako saria.

“La Caixa” taldeak Caixa Capital Risc-en bitartez XXI Ekintzailetza Sarien hamaikagarren edizioaren deialdia egin du. Sari horiek orain dela gutxi sortutako enpresa berritzaileak identifikatu eta aintzatesten ditu eta enpresa horiei laguntzen die, Espainia eta Portugalen hazkuntzarako aukera gehien dituztenei hain zuzen ere.

Sari horiek Espainian batera ematen ditu Ekonomia, Industria eta Lehiakortasun Ministerioak Empresa Nacional de Innovación, S.M.E, SA (ENISA) enpresaren bitartez, eta enpresa berritzaileen garapenean erreferentziazkoak diren erakundeen laguntza dute. Aurten Portugalen ere emango dira sariak, eta horren arduraduna BPI bankua izango da.

2007an sortu zenetik, ekimen honek 4,3 milioi euro inbertitu ditu sarietan eta laguntza ekintzetan, eta horien onuradun izan dira 289 enpresa. Hamaikagarren edizio honetan, sektore eta lurralde ezberdinetako 24 enpresa irabazleek diru-hornidura, ikusgarritasun ekintzak eta nazioarteko garapeneko programak jasoko dituzte Cambridgen eta AEBn, 490.000 euroko balioa dutenak hain zuzen ere.

Izena emateko epea 2017ko azaroaren 3an bukatuko da.

Parte hartzeko

Informazio gehiago webgune honetan: www.emprendedorXXI.es

Kategoria: Lehiaketak

10

urr / 2017

Industria-makina berrietako inbertsioak sustatzeko laguntzak. Renove Makineria Programa 2017

Helburuak:  Industri arloko ETEen produkzio-ekipamenduetan modernizazio maila altua lortzea, ekipamendu horiek laneko segurtasun eta osasun arauei egokitzea eta produktibitatea hobetzea, horrela lehiakortasuna ere areagotuz.
Hartzaileak: Euskal Autonomia Erkidegoko industria-enpresa txiki eta ertainak (ETE).
Epea: 2017/10/31
Dirulaguntzari dagokion informazio guztia

Kategoria: Diru-laguntzak, Ekintzaile-komunitatea

10

urr / 2017

Nekazaritzako, elikagaigintzako eta basogintzako sektoreko prozesuen arloko berrikuntzarako laguntzen oinarri arautzaileak. 2017. urterako deialdia

Nekazaritzako, elikagaigintzako eta basogintzako prozesuen arloko berrikuntza bultzatu eta sustatzeko laguntzen 2017ko deialdia zuzendu behar duten oinarri arautzaileak ezartzea da eranskin honen xedea.

Seguir leyendo

Kategoria: Diru-laguntzak, Ekintzaile-komunitatea

10

urr / 2017

Bidasoako ideia ekintzaileen bidaia Irun Factoryn

Etor zaitez Aurki Ezazu Zure Estiloa programako ekintzaile eta profesionalen ideia berritzaileak ezagutzera. 2 orduko ekitaldi honetan Aurki Ezazu Zure Estiloa programa ezagutu, parte hartzaileen istorio inspiragarriak entzun, bertan lortutako emaitzak ezagutu eta zonaldeko profesionalekin konektatzeko aukera izango duzu.

Seguir leyendo

Kategoria: Ekintzaile-komunitatea, Proiektuak, Topaketak

09

urr / 2017

Gazteak itzultzeko laguntzen 2017rako deialdia

Deialdi honen xedea da euskal enpresek Euskal Autonomia Erkidegora itzultzen diren 35 urtetik beherako gazteak kontratatzeko laguntzen oinarriak eta araudia ezartzea, euskal lan-merkatuan haien laneratzea sustatzeko neurri gisa

Epea: 2017/11/10

info +

Kategoria: Diru-laguntzak, Ekintzaile-komunitatea, Enpresa-kudeaketa
Página 3 de 9712345...102030...Última »