05 Jul “Gipuzkoako eskulangintza sektorea sustatzeko plana”: 2013ko deialdia
Artisautzaren esparruak erronka zehatzak ditu: Merkaturatze lana hobetzen ikastea eta elkartegintza eta lankidetza sustatzea. Helmuga ere oso zehatza du:
— gure benetako nortasun ezaugarriak baloratzea eta ezagutzea, eskulangintzari horiek ematen baitiote jarduera industrialak inoiz lor ez dezakeen balioa; eta
— ingurumen iraunkortasuna (bertako materialak erabiltzen dira, eta ingurua zaintzen duten prozesuak garatu) eta soziala (garapen endogenoa eta enplegua lurralde testuinguru jakin batzuetan).
Ildo honetan, Gipuzkoako Foru Aldundiak eta sektoreak berak konpromisoa dute eskulangintza agerian jar dadin; ospe oneko eta kalitateko ingurune profesional batean lekutu eta sektorearen bideragarritasun ekonomikoa garatu dadin.
Horretarako, jarduera ildo batzuk garatu behar dira, helburutzat harturik:
— eskulangintza sektorearen ospea eta ikusgarritasuna gehitzea, baita desagertzeko arriskuan dauden eskulangintzako jarduera tradizionalak zaintzea ere;
— eskulangintzako elkartegintza sustatzea;
— baterako jarduera proposamenak garatzea, eskulangintzan eta turismoan garapen lokal eta endogenoa bilatuz;
— eskulangintza azokak berregituratzea, profesionalizatzea eta sustatzea.
Ez dago iruzkinik