16 Jun Kontrataziorako Laguntzak. (Irungo Udala)
– Lantokiak Irungo udalerrian egon behar du. Irungo Udalak ofizioz egiaztatuko du dagokion establezimenduaren EJZ egoera.
— Proposatutako kontratazioak enplegu netoa sortzea ekarri beharko du kontratatutako pertsona edo pertsonak sartu aurretixeko 3 hilabeteetan enpresan dagoen guztizko batez besteko plantillan. Horretarako, Gizarte Segurantzako Diruzaintza Nagusiaren ziurtagiria aurkeztu beharko da, diru-laguntzaren xedeko kontratua hasi aurretixeko hiru hilabeetako batez besteko plantillari buruzkoa.
— Enpresa kontratugileak egunean egon beharko du bere zerga-obligazioetan eta Gizarte Segurantzarekin. Hori egiaztatzeko, dagozkion ziurtagiriak aurkeztu beharko dira.
— Enpresa kontratugileak berariaz adierazi beharko du, ardurapeko adierazpen normalizatua izenpetuz, kontratazioa egiteko konpromisoa hartzen duela, lan-alorrean eta lan-arriskuak prebenitzearen alorrean indarrean dagoen araudia beteko duela eta kontratatutakoari bere zeregina egiteko beharrezkoak diren materiala eta jantzia emango dizkiola.
– Kontratuek 6 (sei) hilabeteko iraupena izango dute, gutxienez. Lan-kontratazioko edozein modalitatetan formalizatu ahal izango da, prestakuntzarako eta ekintzailetzarako kontratua izan ezik, eta lanaldi osorako.
— Lan-kontratuak kasu bakoitzean gutxienez exijitutako edo diruz lagundutako iraunaldia baino lehen iraungiz gero, itzuli egin beharko da emandako diru-laguntza. Horren salbuespena izango da iraungitzea enitate kontratugilearen borondatez egin ez izana; orduan, lan-kontratuak benetan iraun duenaren proportzioan murriztuko da diru-laguntzaren zenbatekoa.
— Nolanahi ere, diruz lagundu ahal diren kontratuak laguntza emateko erabakiaren data eta 2015eko maiatzaren 31 bitartean garatuko dira. Dena dela, egun horretatik harago ere iraun dezakete kontratuek.
Ez dago iruzkinik