27 Apr Ekonomia Suspertzeko «Gipuzkoa 4.0 Fabrikazio Aurreratuko Sarea: Bonu teknologikoak» programaren oinarri arautzaileak
Foru Aldundiak gogor lan egiten du lurraldeko ekonomiari eusten, eta horretarako, «apustu berriak» sustatzen ari dira etorkizun handieneko eremu estrategikoetan. Ekoizpen sektorea laugarren industria-iraultzan murgilduta dago, aditu batzuek dioten bezala, eta 4.0. Industriaren eskutik etorriko da.
Gipuzkoa 4.0 Fabrikazio Aurreratuko Sarearen sorrera-esparrua, hain zuzen ere, Ekonomia Suspertzeko Plana da, 2016-2019ko aldikoa, Fabrikazio Aurreratuaren arloko apustu estrategiko gisa. Arlo honetan, Gipuzkoako enpresak eta teknologia-zentroak mundu mailako erreferentziak dira.
Errealitate horri aurre egiteko asmoz, Gipuzkoako Foru Aldundiak, sare honen bitartez, enpresen eta teknologia-zentroen arteko sinergiak indartu nahi ditu, 4.0 Industriaren iraultza lurraldeko enpresa txiki eta ertainei zabaltzeko.
Programa honek nahi duena da lurraldeko enpresa liderrek eta zentro teknologiko aurreratuenek beren lorpenak partekatzea, eta teknologia aurreratua erakustea Gipuzkoako enpresa txiki eta ertainei, zerbitzu teknologikoak eskuratzen esperientzia txikia dutenei, zerbitzu horiek sartuz beren produktuak edo zerbitzuak hobetzeko ideiarekin.
Elkarlaneko programa aitzindari bat da, gure inguruan bakarra dena. Oinarritzat hartu dira Alemanian aurrera eramandako antzeko esperientziak, arlo horretan herrialderik aurreratuenetako bat baita. Eta hori lankidetzan egiten dugu, Gipuzkoako gizartea bereizten duen balio bat baita.
Horrela, zentro espezializatu horien instalazioetara bisitaldi gidatuak eginez, atariko prestakuntza praktikoa emango da bisitatutako teknologian, eta horren inguruko zerbitzu katalogo bat eskainiko da. Horren bitartez, Fabrikazio Aurreratuko kontzeptuak eta esperientziak hurbildu nahi zaizkie enpresei.
Epea: 2017/11/15
Ez dago iruzkinik