Bidasoa bizirikek “Bidasoan ekiteko bekak” programa jarri du abian, Ekintzaile-espiritua sustatzeko, talentua, berrikuntza eta sormena aldatzeko palanka gisa bultzatuz. Programa berri honekin, ekiteko motibazioak sendotu eta ekimen ekintzaile berritzaileak lagundu nahi dira, negozio-ideia definitzeko eta ekintzailetza eta berrikuntza soziala garatzeko prozesuan.

Zer da?

Beka-programa bat da, eta hileko zenbateko ekonomikoaz gainera, Bidasoa bizirikeko coworking gunean postu bat ere ematen da kosturik gabe, wifi sarera libre sartzeko eta bilera-aretoa erabiltzeko aukerarekin eta, halaber, laguntza teknikoa jasotzeko eta ekintzailetzaren ekosisteman sartzeko aukerarekin.

Zer onura dakartza?

• Emandako bekaren zenbateko ekonomikoa.
• Toki bat dohainik erabiltzea ingurune kolaboratibo eta berritzaile ireki batean lan egiteko, teknologia berriekin ekipatutako bilera-aretoak, prestakuntza-aretoak eta abar ere erabiltzeko aukerarekin.
• Ekintzailetzan eta enpresak sortzen eta administrazio-zerbitzuan espezialistak diren teknikarien laguntza iraunkorra jasotzeko aukera.
• Ekintzailetzako ekosisteman sartzeko aukera.

Betekizunak

• Adinez nagusia izan behar da.
• Irunen/Hondarribian erroldatuta egotea.
• Konpromisoa hartzea Irunen edo Hondarribian enpresa bat sortzeko ekimen bat garatzeko.
• EJZn alta emanda ez egotea. 

Bekaren zenbatekoa eta iraunaldia

• Zenbateko maximoa pertsona onuradun bakoitzeko: 2.500 euro.
• Zenbateko maximoa hilean: 400 euro.
• Gehienez 6 hilabete.

Norentzat da?

• Ekiteko nahia duten, negozio bat abian jartzeko ekimen berritzaile bat esploratu nahi duten pertsonentzat

Hautatze-prozesua

• Aurreproiektua/Proiektua
• Ekintzailetza-konpromisoaren dokumentua:  Lan-programaren proposamena (eskatutako tutoretza, jarduerak, helburuak eta aurreikusitako egutegia)
• Norgehiagoka (balorazio-mahaia)

Eskaera-epea

Eskaerak egiteko bi epe izango ditu deialdi honek:

• Lehenengo epea deialdia irekitzen denean hasiko da, eta 2022ko apirilaren 30ean amaituko da.
• Bigarren epea maiatzaren 1ean hasiko da, eta 2022ko irailaren 30ean amaituko da, bigarren epea irekitzen baldin bada.

Harremanetarako

Ekintzailetza eta Jarduera berria Saila

• 943 50 95 84 //50 96 00
• ekintzailetza@bidasoa-activa.com
• Hendaia kalea, 8.
• 20301 Irun • Gipuzkoa

Informazio gehiago

BIDASOAN EKITEKO BEKAK 2022-1