Agindu honen xedea da Eusko Jaurlaritzak, Lan eta Enplegu Sailaren bitartez, 2024. urtean Euskal Autonomia Erkidegoan enpresen gizarte-erantzukizuna hedatu eta ezartzeko emango dituen laguntzen deialdia egiteko oinarriak onartu eta 2024. urterako deialdia egitea.
Diruz lagundu daitezkeen jarduketak.
1.– Agindu honetan aurreikusitako laguntzak jarduera hauetakoren batek zuzenean eragindako gastuak finantzatzeko dirulaguntzak izango dira:
a) Enpresen gizarte-erantzukizuna ezartzea enpresetan, jasangarritasun-memoriak eginez. Jasangarritasun-memoriek GRI, SG21, ISO2300 edo gisako metodologiei jarraitu beharko diete. Kontabilitate sozial aplikatuari buruzko memoriak egitea ere diruz lagundu ahal izango da.
b) Garapen Jasangarriko Helburuei (GJH) egindako ekarpenaren diagnostikoa egitea Gizarte Ekonomiakoak ez diren enpresetan, behar bezala kualifikatutako eta estandarizatutako tresna edo formularioen bidez, oinarri honetako a) letran aipatutakoak egokitzeko aukera barne.
c) Diagnosia egitea jakiteko zer ekarpen egiten zaien garapen jasangarrirako helburuei (GJH) gizarte-ekonomiako enpresetan; horretarako, enpresa horientzat berariaz diseinatutako tresnak edo formularioak erabiliko dira.
d) Enpresen gizarte-erantzukizunaren kultura eremu publikoetan, enpresarialetan eta korporatiboetan hedatzeko eta haren inguruko ikerketa egiteko jarduerak. Gizarte-kontabilitate aplikatuaren inguruko ikerketa ere diruz lagundu ahal izango da.
Comentarios (0)