Agindu honetan aurreikusitako laguntzak jarduera hauetakoren batek zuzenean eragindako gastuak finantzatzeko dirulaguntzak izango dira:
a) Enpresen gizarte-erantzukizuna ezartzea, jasangarritasun-memoriak eta gizarte-kontabilitate aplikatuko memoriak eginez. Jasangarritasun-memoriek GRI, SG21, ISO2300 edo antzeko metodologiak jarraitu beharko dituzte.
b) Enpresen gizarte-erantzukizunaren kultura hedatzeko eta ikertzeko jarduerak egitea, garapen jasangarriko helburuetan lagunduko dutenak. Halaber, esparru publikoetan, enpresarialetan eta korporatiboetan aplikatutako gizarte-kontabilitatea zabaltzea eta ikertzea.
c) Langileek gizarte-ekonomiako enpresetako organoetan eta kudeaketan duten partaidetza hobetzeko metodo eta tresnak egitea eta ezartzea.
d) Sozietate-itun edo -kontratu bat egitea, gizarte-ekonomiako enpresetan sozietate-erreleboa arautzeko.
e) Langileek gizarte-ekonomiakoak ez diren enpresetan parte hartzeko plan bat egitea eta ezartzea.
👉  Deialdia
⌛  2025/09/05
Comentarios (0)