18 Jan Bertaratuek pozik amaitu dute Bidasoa bizirikek antolatutako Tech Irun gazteentzako tailerren edizio berria
Bertaratuek pozik amaitu dute Bidasoa bizirikek antolatutako Tech Irun gazteentzako tailerren edizio berria
- 170 pertsonak baino gehiagok bidali dute eskaera, eta eskuragarri zeuden 40 plazak zozketa bidez esleitu ziren.
- Guztira 4 tailer egin dira 8 eta 13 urte bitarteko haurrentzat.
Irungo Udalak, Bidasoa biziriken bitartez, Tech Irun teknologia-tailerren programa berri bat antolatu du Gabonetako oporretan 8 eta 13 urte bitarteko haurrentzat, Irungo Gabonetako Programaren barruan eta Irun Ekintzan Ekonomiaren eta Enpleguaren Garapenerako Itunak sustatzen dituen ekintzen barruan, Bidasoa biziriken lankidetzan.
Horrela, abenduaren 26an hasi ziren lehen tailerrak Irun Factoryn. Bata 11 eta 13 urte bitarteko haurrentzat, Abentura Robotikoa eta Labirinto Magikoa proiektuak garatzeko aukera izan zutenentzat; eta bestea 8 eta 11 urte bitarteko haurrentzat, 5 egunez bi proiektutan lan egin zutenentzat: Mecanum Robot Car eta Tinkercard.
Era berean, urtarrilaren 2an, 3an eta 4an, bigarren txandako taldeen unea iritsi zen. Jardunaldi horietan, 8 eta 11 urte bitarteko haurrek Smart Home eta Super: bit proiektuak garatu zituzten, eta 11 eta 13 urte bitarteko taldeak estazio meterologiko baten garapenean eta Makecode Arcade proiektuan lan egin zuen.
"Beste behin ere, tailer hauen arrakasta azpimarratu behar dugu, bokazio zientifikoak eta teknologikoak txikitatik sustatzea eta garatzea baitute helburu. Beren etorkizun profesionalerako beharrezkoak diren teknologia, trebetasunak eta gaitasunak erabiliz erronkak modu sortzailean konpontzen ikasten dute", nabarmendu du Miguel Ángel Páezek, Bidasoa bizirikeko presidenteak. Oraingo honetan, haurrak robotikaren, programazioaren eta domotikaren inguruko proiektuak garatu dituzte ", gaineratu du Paezek.
