• Español
  • Euskera

ekintzailetza@bidasoa-activa.com / 943 509 600

03 Dec

Posted at 16:59h in Ekintzaile-komunitatea, Lehiaketak, Merkataritza-Comercio, Premios

2024ko Hondarribiko Gabonetako XIV. Erakusleiho lehiaketa

[caption id="attachment_30722" align="alignright" width="354"]foto comercio Hondarribia Hondarribia_DV[/caption]

Hondarribiko Udaleko Turismo eta Merkataritza Sailak “2024ko Hondarribiko Gabonetako XIV. Erakusleiho lehiaketa” antolatu du, gure merkataritza hiriaren bizitzan integratzeko eta dekorazio hoberena duen saltokia saritzeko.

Deialdia

Maila bakarra "2024ko Gabonetako Eraskusleihoa".

Lehiaketan Hondarribian publikoari irekiak diren saltoki guztiek har dezakete parte, baldin eta erakusleihoa badute.

 

Izenematea

Izenemate orria beteta aurkeztu beharko da Hondarribiko Udalaren erregistro elektronikoaren bidez ondorengo helbidean: http://www.hondarribia.eus/eu/izapide-udal-erregistroa. Horrez gain Administrazio Publikoen Administrazio Prozedura Erkidearen 39/2015 Legearen 16. artikuluan zehaztutako beste edozein bidetatik.

Bide elektronikoa erabili beharko dute horretara behartuta dauden subjektuek (39/2015 legearen 14. artikulua): besteak beste, pertsona juridikoek eta izaera juridikorik gabeko erakundeek. BAZen bulegoan horretarako laguntza emango zaie tramite hau era elektronikoan egiten ikasteko.

Eskabidea formalizatzeko eskaera orria behar bezala beteta aurkeztu beharko da.

Izenematea doakoa da eta onarpen epea azaroaren 25ean irekiko da eta abenduaren 13an itxiko da (biak barne). Ezarritako epetik kanpo bidalitako izenemate orri guztiak gutxietsita geldituko dira.

Lehiaketan parte hartzen dutela egiaztatzeko akreditazio/irudi bat deskargatu beharko dute partehartzaileek Udal webgunetik (Hasiera / Tramiteak / Jarduerak, Ekitaldiak eta Lehiaketak) eta erakusleihoaren toki ikusgai batean jarri beharko dute. Akreditazio hau ez badago, partehartzailea lehiaketatik kanpo geratuko da.

 

Informazio gehiago

20 Sep

Posted at 11:33h in Ekintzaile-komunitatea, Merkataritza-Comercio

Tokiko merkataritza «on moduan» jarriko da Irun Market-en online salmentarako plataforma berriarekin

Irun.org (2024.09.19)

Bihar etapa berri bat hasiko da Irungo tokiko merkataritzarentzat. "Zure tokiko merkataritza On moduan" lelopean, datozen hilabeteetan, Irun Market online merkataritzaren proiektuaren esparruan, hainbat jarduera ikusi ahal izango dira. Europar Batasunak finantzatzen du, NEXT GENERATION EU funtsen bidez.

Nuria Alzaga lehen alkateorde eta Hiri Bultzadako eta Ekonomia Sustapeneko ordezkariak prentsaurrekoa eman du gaur goizean Hornidura Merkatuan, Irun Market-en online salmentarako plataforma berria ezagutzera emateko, bihartik aurrera (irailak 20, ostirala) jarriko baita martxan.

Azpimarratu behar da une honetan 50 saltoki baino gehiago ari direla hainbat jarduera garatzen martxan jarriko diren ekimen berrietara bideratuta: digitalizazioa, modernizazioa eta trantsizio ekologikoa.

Ordezkariak nabarmendu duenez, "aspalditxotik ari gara esaten Irun Market plataforma eraldatzen ari dela, tokiko merkataritzaren marka berri gisa aurkezten dela lehiakortasuna eta eraginkortasuna hobetze aldera. Errealitate bat da Irungo merkataritza etengabe aldatzen eta hobetzen ari dela hilabeteotan martxan jarritako programei esker, digitalizazioaren bidez, salmenta-prozesuak hobetuz edo efizientzia energetikoaren bidez, eta, ildo horretan, bihar, online plataforma bat argitara aterako da merkatariei nahiz erosleei hobekuntza nabarmenak eskaintzeko".

Online salmentarako plataforma berria martxan jartzea etorkizuneko plataformaren lehen aurrerapauso bat da, datozen hilabeteetan nobedade gehiago izango baitira. Izan ere, plataforma berri horri esker, Irun Market online salmentarako tresna izateaz gain, hainbat multimedia-eduki dauzkan tresna bihurtuko da, eta baita merkataritzarako tresnak dituen intranet bat ere hainbat esparrutarako (prestakuntza, jasangarritasuna eta abar).

Halaber, plataformak tokiko banaketa-zerbitzua izaten jarraituko du, Badoa enpresaren bidez. Enpresa horrek banaketa hori modu jasangarrian egiten du: bizikletaz. Gainera, urtea amaitu aurretik, plataformak hiru kontsigna izango ditu produktuak jasotzeko, herritarrei erosketak errazteko tokiko merkataritzan.

Follow by Email
RSS