A) LAGUNTZA NEKAZARITZA USTIATEGIETAN INBERTSIOTARAKO
Diru laguntzen xedeak.
Honako hauek dira helburu bereziak:
a) Ustiategien ekoizpena merkatuaren beharren arabera egokitzera zuzendutako inbertsioak bultzatzea, bereziki ekoizpenen kalitatea eta uzta biltegiratzen hobetzen laguntzen dutenak.
b) Enpresa kudeaketa eta ustiategien errentagarritasuna hobetzeko inbertsioak sustatzea, bereziki ekoizpen kostuak murrizteko, energia gastua murrizteko, ekoizpena handitzeko eta nekazaritza jarduerak anizteko inbertsioak.
c) Ustiategien ekoizteko ahalmena handitzera zuzendutako inbertsioak bultzatzea, bereziki, makineria eta instalazioak erosteko inbertsioak, hartara ustiategia hobeto eramateko eta laneko ekoizpena hobetzeko.
d) Ingurumen iraunkortasuna hobetzera zuzendutako inbertsioak bultzatzea, bereziki ekoizpen ekologiko eta integratuko sistemak zein nekazaritza eta abeltzaintza ustiategietako hondakinen tratamenduko hobekuntzak kontuan hartzen dituztenak. Orobat sustatuko da berotegi efektua duten gas emisioen murrizketa eta ongarrien erabilera eraginkorragoa izatea, hartara lurraren ekoizpenaren iraunkortasuna sustatzeko.
e) Abereen higienea eta ongizatea, elikagaien segurtasuna, ekoizpenen ibilbidea eta laneko segurtasuna hobetzera bideratutako inbertsioak ahalbidetzea, gai horietan, arau komunitario berriak betetzera zuzendutakoak, bereziki.
f) Inbertsio berritzaileak ahalbidetzea, esate baterako, ustiategietako energia kostuak murrizteko bioenergia edota energia berriztagarrien ezarpena, edota, Informazio eta Komunikazioaren Teknologien erabilera (IKTak).
B) NEKAZARI GAZTEEK ENPRESAK SORTZEKO LAGUNTZAK
Neurriaren helburua.
Neurri honen helburua da erraztea, batetik, ondo prestatutako gazteak nekazaritza sektorean sartzea eta, bestetik, belaunaldi erreleboa, 1.305/2013 Erregelamenduak 5. artikuluan zehaztutako helburuek aurreikusten duten moduan. Horrez gain, beste helburu bat da landa lurren tokiko garapena sustatzea, dibertsifikazioa, enpresen sorrera eta garapena, eta enplegua bultzatuz.
