11 Apr Panorama artistiko-kulturalean –kulturako edozein esparrutan– egitasmo berriak abiaraziko dituzten elkarteei izaera berritzailea duten jarduerak antolatzera zuzendutako deialdia (SUSPERKA)
Laguntza hauek jaso ahal izango dituzte, Gipuzkoan zerga eta sozietate helbidea duten eta berriki sortuak diren kulturaren alorreko irabazi asmorik gabeko elkarteek, baldin eta zuzenean garatzen badituzte lurraldeko kulturaren edozein eremutan berrikuntza suposatzen duten jarduera eta egitasmoak.
Diruz lagungarriak diren gastuak era desberdinetako jarduerei dagozkienak izan daitezke, hala nola, artearen eta kulturaren edozein alorretako formazio, ikerketa, sentsibilizazio, hedapen edo koordinaketa gisakoak.
Halaber jarduera horiek aurrera eramateko beharrezko diren elkartearen funtzionamendu gastuak ere lagundu ahal izango dira.
Gainera, diru laguntza eskatzeko aurkezten dituzten egitasmo edo jarduerek honako baldintzak bete beharko dituzte:
— Gipuzkoako Lurralde Historikoan gauzatu daitezela.
— Duten interes, espezializazio edo originaltasun mailagatik Gipuzkoako kultur eskaintzan emaitza esanguratsua suposatu dezatela.
— Deialdiak ezartzen duen urte naturalean burutu daitezela, urtarrilaren 1etik abenduaren 31ra bitartean.
— Ekonomikoki bideragarriak izatea. Bideragarritasun hori diru-sarrerak eta gastuak jasoko dituen aurrekontu orekatuaren bitartez frogatu beharko da, hau da, diru-sarreren eta gastuen kopuruak berdinak izango dira, eta diru-sarreren atalean Kultura Zuzendaritza Nagusiari eskatzen zaiona zehaztu beharko da.
Epea: 2017/05/10
Ez dago iruzkinik