• Español
  • Euskera

ekintzailetza@bidasoa-activa.com / 943 509 600

04 Feb

Posted at 15:29h in Artikulua, Ekintzaile-komunitatea, Enpresa-kudeaketa, Proiektuak, Tecnología, Teknologia

"Bidasoa Zirkularra eta Jasangarria", "Bidasoa Digitala" eta "Enpresa Estrategia" ETE industrialen lehiakortasuna hobetzeko hiru proiektu berriak, Bidasoa bizirikek abiaraziak

Irun eta Hondarribiko Udalek, Bidasoa biziriken bitartez, eskualdeko industria sarea indartzeko funtsezko hiru ekimen jarri dituzte abian urtarrilean. Tokiko enpresen iraunkortasuna, digitalizazioa eta kudeaketa estrategikoa hobetzera bideratuta daude ekintza horiek, haien lehiakortasuna eta merkatuaren erronka berrietara egokitzeko gaitasuna indartzeko.

"Industria-sektorearen bilakaerak etengabeko laguntza behar du haren iraunkortasuna eta hazkundea bermatzeko. Bidasoa biziriketik, gure enpresekin batera lan egiten dugu, egungo eta etorkizuneko erronkei aurre egiteko prest egon daitezen ", adierazi du Nuria Alzagak Bidasoa bizirikeko presidenteak.

Bidasoa Zirkularra eta Jasangarria

"Bidasoa Zirkularra eta Jasangarria" programak eskualdeko industria-enpresetan karbono-aztarna murriztea eta praktika jasangarriak sustatzea du helburu. Urtarrilaren 15etik aurrera, 15 enpresak parte hartzen dute ekimen honetan. Ekimen horren barruan sartzen dira emisioak neurtzea, hobekuntza-planak garatzea eta MITECOren HCC zigilua lortzea.

Proiektuan parte hartzen duten konpainiek hainbat sektore hartzen dituzte, metalezko egituren fabrikaziotik hasi eta osagai elektronikoen ekoizpeneraino:

12 Jan

Posted at 14:31h in Artikulua, Proiektuak

Bidasoa Eskualdeko 7 enpresek karbono-aztarna kalkulatzeko eta Hobekuntza Plan bat egiteko proiektu aitzindari batean parte hartu dute

 

  • 6 enpresek lortu dute jada MITECO zigilua
  •  Proiektuak 9 hilabete iraun du, eta amaierako saio batekin amaitu da, egindako lanaren balantzea egiteko.

 

Irun eta Hondarribiko Udalek, Bidasoa biziriken bitartez, karbono-aztarnaren arloko proiektu bat garatu dute, Garapen Agentziak Gipuzkoako Foru Aldundiko Iraunkortasun Departamentuarekin duen bi urteko hitzarmenaren barruan.

Proiektu hori gauzatzeko, Bidasoa Activak ADOS Sostenibilidad y Clima aholkularitza-enpresaren zerbitzuak izan ditu, eta hark gauzatu du proiektua, karbono-aztarna kalkulatuz eta murrizketak jasotzen dituen Hobekuntza Plan bat eginez. Emisioak kalkulatzeaz eta kalkulu hori egiaztatzen duen MITECO zigilua lortzeaz gain, klima-aldaketara egokitzea ere landu da, enpresen ikuspuntutik. Hobekuntza-planak enpresen epe laburreko emisioak murriztea lortzeko egin dira, energia-eraginkortasunari edo mugikortasun-eredu berriei lotutako ekintzen bidez, besteak beste.
Gainera, era osagarrian, hobekuntza-planak genero-ikuspegitik landu dira, argitaratutako azken txostenek erakusten baitute klima-aldaketa ez dela generoarekiko neutroa. Azpimarratu behar da proiektua egin ondoren, 6 enpresek MITECO plataforman erregistratu direla (Trantsizio Ekologikoaren eta Erronka Demografikoaren Ministerioa), egindako isurketen kalkulua egiaztatzen duen zigiluarekin. Zazpigarren enpresak urtarrilean erregistratzea espero da, eta horrek MITECOren plataforman izena emanda dauden Gipuzkoako enpresen % 4ko gehikuntza ekarriko luke.

Azken urteotan, eskualdeko enpresa txiki eta ertainei trantsizio ekologiko horretan laguntzeko beharra antzeman da, gure lurraldean klima-aldaketaren deskarbonizazioa eta arintzea sustatzeko. "Testuinguru horretan, Bidasoa bizirikek martxan jarri du proiektu hau, isuriak kalkulatzeko eta hobekuntza-planak egiteko laguntza-zerbitzu bat eskaintzeko, eskualdeko enpresen lehiakortasuna handitzeko helburuarekin", adierazi du Miguel Ángel Páezek, Bidasoa bizirikekeko presidenteak.

Parte hartu duten enpresak Cauchopren, Deco Didheya, Zubelzu, Sellex, Sacytrans, Conatec Sal eta Railtek Ingeniería Industrial izan dira. Proiektu honen helburua da enpresek karbonoa kentzeko prozesuak hastea eta aurrera egitea, eta trantsizio ekologikoak enpresen kudeaketan duen garrantziaz jabetzea, hazten jarraitzeko ", adierazi du Estitxu Urtizberea Bidasoa bizirikeko lehendakariordeak.

Follow by Email
RSS