AGINDUA, 2012ko uztailaren 11koa, Kulturako sailburuarena, Euskal Autonomia Erkidegoan ikus-entzunezkoen produkzioa sustatzeko finantzaketa-erregimenaren 2012rako deialdia egiten duena ekainaren 26ko 107/2007 Dekretuak ezarritako esparruaren barruan.
2007ko ekainaren 26ko 107/2007 Dekretuaren (dekretu hori abenduaren 16ko 214/2008 Dekretuaren bidez aldatu zen) xedea honako hau da: sustapen-lerroen erregimena eta baldintzak ezartzea, euskal ikus-entzunezkoen sektorean produkzioa, lehiakortasuna eta enplegua ikus-entzunezko proiektuak finantzatzearen bidez bultzatzeko. Horretarako, bi sustapen-lerro ezarri dira: interes-tasarik gabeko maileguen bidez (Dekretuaren II. kapituluan araututako modalitatea) eta kontratuak finantzatzeko maileguen bidez (III. kapituluan araututako modalitatea).
Comentarios (0)