17 Mar Eszena ikuskizunak sustatu eta saltzeko eta eszena ikuskizunak ekoizteko lan guneak eta azpiegiturak lagatzeko enpresa pribatuei zuzendutako diru laguntzak emateko. 2016. ekitaldiko diru laguntzen deialdia
Oinarri arautzaileak.
Eszena ikuskizunak sustatu eta saltzeko eta eszena ikuskizunak ekoizteko lan guneak eta azpiegiturak lagatzeko enpresa pribatuei zuzentzen diren diru laguntzak ematea arautzen duten oinarriak, 2016ko martxoaren 8ko Diputatuen kontseiluko akordio bitartez onartutakoak eta 2016ko martxoaren 17an GAOan argitaratutakoak dira.
Eskatzaileak, diruz lagungarri diren jarduerak eta baldintzak.
Gipuzkoan zerga eta sozietate helbidea duten enpresa pribatuek bildu ahal izango dute diru laguntza hauetara, baldin eta haien jarduera programak alor hauetakoak badira:
— Deialdiaren ekitaldian egingo diren sustapen eta salmenta programak, Gipuzkoan beraiek ekoitzitako eszena ikuskizunenak (antzerkia eta/edo dantza), egite gastuak ikuskizunak ustiatzeko kostuen portzentaje finkoa direnean.
— Ikuskizunak ekoizteko arte eszenikoen konpainiei lan guneak lagatzeko edota azpiegitura bereziak eskaintzeko programak.
Diru laguntzaren xede diren jarduerak deialdiak ezartzen duen urte naturalaren barnean burutu beharko dira, urtarrilaren 1etik abenduaren 31ra bitartean.
Eskaerak aurkezteko epea
2016. urtean, diru laguntza hauek eskatzeko lehen eguna 2016ko maiatzaren 2a izango da eta azken eguna ekainaren 30a.
Ez dago iruzkinik