08 Nov Irungo Udalaren Alkatetzaren urriaren 10eko 1.641/2016 ebazpenaren laburpena, 2016-17 Ri8era ikerketa-bekak onartuz, Gizarte Zientziak eta Artea sustatzeko bekak subjektibitate berriak eraikitzeko, eraldaketarako kultura.
Irungo Udalaren Alkatetzaren urriaren 10eko 1.641/2016 ebazpenaren laburpena, 2016-17 Ri8era ikerketa-bekak onartuz, Gizarte Zientziak eta Artea sustatzeko bekak subjektibitate berriak eraikitzeko, eraldaketarako kultura. BDNS (Identif.): 320661.
Diru-laguntzaren 38/2003, azaroaren 17ko Lege Orokorraren 17.3.b eta 20.8.a artikuluetan xedatutakoaren arabera, argitaratzen da deialdiaren laburpena. Honen testu osoa Diru-laguntzen Datu-Base Nazionalean (http://www.pap.minhap.gob.es/bdnstrans) eta Irungo Udalaren internet atarian (www.irun.org) kontsulta daiteke.
1. Onuradunak.
Bi pertsonez osaturiko taldeak (bata Arte Ederrak perfilduna eta bestea Antropologia perfilaz) aurkez daitezke, oinarriek araututako baldintzetan.
2. Xedea eta Ikerketa Gaia.
Ri8era bekaren xedea da ikerketa-ekintzarako tandem proiektu bat. Proiektu horretan gehienez 9 hilabetez lan egingo da gai edo hausnarketa ildo jakin batean, hori guztia ikerketaren kapituluan kokatuta. Lan horren emaitza gisa, izaera iraungikorreko arte pieza bat sortuko da (ekintza) eta #Ri8era programaren testuinguruan erakutsiko da.
Ri8era bekek ikerketa eta interpretazio artistiko-proiektuak lagundu behar dituzte arkitektura, industria, interes historikoko eta/edo antropologikoko elementuak eta mugaren eta Bidasoa ibaiaren geografia-ingurunea (ondare materiala edo hautemangarria) ezagutzeko eta horiexei balioa emateko. Gainera, narrazioei eta pertsonen memoriari ere balioa emango zaie (ondare materiagabea edo ez hautemangarria), eta interes berezikoak izango dira gerra garaiarekin eta Abenida zubiarekin lotutakoak.
Neurri horrekin, etengabeko ildo bat ezarri nahi da, eta horren emaitza Kultura eta Kirola Arloan ere bultzatzen den #Ri8era programan integratuko da. Programa hori irailean eta urrian garatzen da Bidasoa ibaian egiten den arte garaikideari buruzko jardunaldi batean eta jardunaldi erdi bat egiten da arte prozesuen barreiadurari eta komunikazioari buruz Carlos Blanco Aguinaga kultur zentroan eta liburutegian (hemendik aurrera, CBA).
3. Oinarri arautzaileak.
2016ko urriaren 20ko 199.zk Gipuzkoako Aldizkari Ofiziala-n argitaratuak.
4. Zenbatekoa eta ordainketa.
Emango dira 9.000,00 €ko bi beka, guztira 18.000 eurokoa izango delarik. Diru horri dagozkion atxikipenak egin beharko zaizkio, PFEZaren gaineko arauek jartzen dutena aintzakotzat hartuta, eta bidezko diren gainerako zergak ere kendu behar dira. Gainera, beken zuzkidurak hartu behar du emaitzak lortzeko beharrezkoa den edozein ekoizpen-gastua.Hori ez da beste aurrekontu-aplikazioren kargura egingo.
Honela egingo da diru-laguntzaren ordainketa, dagozkion administrazio tramiteak bete ondoren:
— Zenbateko osoaren %50a, ebatzi bezain laster.
— Zenbateko osoaren %35, lehenengo lau hilabeteak igaro ondoren egindako lanaren lehen informazioa ontzat ematean eta horren jarraipena erraztuko duen txosten laburra emandakoan.
— Gainerako %15a, bederatzi hilabeteak igaro eta bekaren indarraldiaren amaieran, emaitzak aurkeztu ondoren.
5. Eskaerak aurkezteko epea.
Hilabete bateko epea deialdia Gipuzkoako Aldizkari Ofizialean argitaratzen den egunetik aurrera kontatuta.
6. Iraupena.
Bekek 9 hilabete iraungo dute, deialdiaren ebazpena jakinarazten den unetik aurrera.
7. Hizkuntza.
Bekaren emaitza bi hizkuntza ofizialetan aurkeztuko da. Bekaren emaitza bi hizkuntza ofizialetan jarriko da ikusgai.
8. Baloratzeko irizpideak.
Hautaketa batzordeak bereziki baloratuko ditu taldeko kideek ikerlanak egiteko duten jakintza, prestakuntza eta esperientzia; halaber zehaztasun eta adierazpenerako gaitasuna, bekaren langaian jarduteko dituzten ahalbideak, eta ikerlanaren proposamenaren interesa eta ikuspuntua.
9. Beste diru-laguntza eta laguntza batzuekin bateraezina izatea.
Beka hauek ez daude bateratzerik xede bera izan eta beste erakunde publiko nahiz pribatu batek emandako edo eman dezakeen beste beka, diru-laguntza edo bestelako laguntza batzuekin.
Irun, 2016ko urriaren 24a.—Idazkaritza eta Zerbitzu Juridikoetako teknikaria. (7353)
Ez dago iruzkinik