25 Apr Irungo Merkataritza Biziberritzeko Planaren (PERCO) esparruan interes estrategikoko proiektuak burutzeko eta gauzatzeko xedean irungo merkataritzari diru-laguntzak emateko oinarriak
Helburua: Irungo txikizkako merkataritzaren sektorea babestea, PERCO-n (2013an egina eta 2013ko uztailaren 22an merkatariei aurkeztua. Ikusi I eranskina, PERCO – Kudeaketa plana) markatutako helburua (Irun merkataritza-hiri gisa kokatzea) lortzen lagunduko duten estrategia kolektiboak sustatuz.
Oinarri hauen bidez, ekintzak bultzatu nahi dira, hiri-merkataritza sendotzeko eta ekonomia garatzeko eta enplegua sortzeko sektore horrek duen motor-papera indartzeko. Izan ere, udalerriko ekonomia-ehunaren egituratzailea da, eta ondorio positiboak sortzen ditu hiriko bizi-kalitatean eta Irun hiriaren irudian, merkataritza- eta zerbitzu-hiri gisa.
Onuradunak.
- Laguntza horien onuradun izateko, proiektuak ekitaldi naturalean egikaritu beharko dira, dagokion deialdian, diru-laguntzen bi ildoetako edozeinen bidez, hau da:
— Bata berezko izaera juridikorik ez duten merkatariei (pertsona fisikoak nahiz juridikoak) eta merkatarien elkarteei zuzendua, PERCO estrategian jasotako proiekturen baten agente eragile gisa jarduten badute.
— Bestea berezko izaera juridikoa duten merkatarien elkarteei zuzendua, PERCO estrategian jasotako proiekturen baten agente eragile gisa jarduten badute.
- Jarraian adierazten diren multzo, talde edo EJZren epigrafeetako batean ari den merkataritza jarduera baten titularrak diren pertsona fisiko eta juridikoak, diru-laguntzaren xedeko proiektuko «eragile bultzatzailea» gisa jardungo dutenak:
— 64. multzoa, establezimendu egonkorretan jan-edatekoak eta tabakoa txikizka saltzen dituzten komertzioak.
— 65. multzoa, establezimendu egonkorretan jan-edatekoak eta tabakoa ez baizik eta industria produktuak txikizka saltzen dituzten komertzioak.
— 97. multzoa, zerbitzu pertsonalak.
— 676. taldea, zerbitzuak txokolategietan, izozki dendetan eta hortxata dendetan.
«Establezimendu atxikia» bezala parte hartu ahal izango dute, horregatik onuradun-izaera lortzeko aukerarik gabe, aurreko multzo, talde edo epigrafeetako batean sartuta dauden establezimenduek ez ezik, honako hauetako batean sartuta daudenek ere:
— 671. talde, zerbitzuak jatetxeetan.
— 672. taldea, zerbitzuak kafetegietan.
— 673. taldea, zerbitzuak kafetegi eta tabernetan, jaten ematen dutenetan eta ez dutenetan.
Honako jarduera hauek espresuki at geratzen dira:
— 647.4. epigrafea, edozein jan-edatekoren txikizkako merkataritza auto-zerbitzu erregimenean edo supermerkatuetako bitariko erregimenean; halakoak dira saltokiaren azalera 400 metro koadrokoa edo handiagoa denean.
— 655. taldea, erregai, karburante eta labaingarrien txikizkako merkataritza.
Diru-laguntzak emateko azaroaren 17ko 38/2003 Lege Orokorraren (DLO) 11.3 artikuluan xedaturikoari jarraiki, berezko izaera juridikorik gabeko pertsona fisiko edo juridikoek, publiko nahiz pribatuek, aurkeztu ahal izango dute beren eskera.
Eskaera berezko izaera juridikorik gabeko pertsona fisiko edo juridikoek, publiko nahiz pribatuek, egiten badute, nola eskaeran hala esleipenaren erabakian espresuki adieraziko dira elkartekide bakoitzak bere gain hartutako konpromisoak, baita haietako bakoitzagatik aplikatu beharreko diru-laguntzaren zenbatekoa ere, pertsona horiek ere onuradun izango baitira. Nolanahi ere den, elkarteari dagozkion betebeharrak betearazteko nahikoa ahalak dituen ordezkari bat izendatuko da. Elkartea ez da desegingo DLO legearen 39. eta 65. artikuluetan aurreikusitako iraungitze epea igaro arte.
Ez dago iruzkinik