27 Apr Ekonomia Suspertzen laguntzeko «Produktuaren berrikuntza» programaren diru laguntzak_2017
Gipuzkoako Foru Aldundiak 2015-2019 aldirako egin duen Kudeaketa Plan Estrategikoaren helburu nagusietako bat da ekonomiaren susperraldiari oinarriak jartzea, enpresen lehiakortasuna sendotuta. Izan ere, planak berak dio «Gipuzkoaren lehiakortasun eta garapen iraunkorrean etapa berri baterantz abiatzeko eraldaketa ekonomiko eta sozialerako palanka bat dela».
Eraldaketa hori bultzatzeko, Sustapen Ekonomikoko Plan bat definitu da, eta haren helburua da «enpresa gipuzkoarrei laguntzea, hobeak izan daitezen, produktu eta zerbitzu berriak sor ditzaten, industriari eta gainerako sektoreei laguntza emanez, gure ekonomiaren etorkizuneko erronkei heltzeko». Gipuzkoaren testuinguru ekonomiko eta sozialaren analisia abiapuntutzat hartuta, eta kontuan hartuta testuinguru horretan azpimarragarriak direla lurraldeak duen izaera industriala, langileen kualifikazio maila eta ezagutzan eta berrikuntzan oinarritutako ekosistema, Gipuzkoako Foru Aldundiak konpromiso hau hartzen du: «ekonomiaren suspertzearen elementu aktibo bilakatu behar du, lehiakortasun faktore guztiak bultzatzen lagundu behar du eskura dituen tresnen bitartez, bereziki, fiskalitatearen eta ekonomia sustatzeko politika publikoen bitartez».
Iaz martxan jarri zen programa honen bidez produktu berrien merkaturatzea azkartu nahi da, merkaturatu aurreko prototipo fasean dauden teknologia eta produktuak industriara bideratzeko moduko eta merkatuaren beharren araberako bihurtzen laguntzen duten produktuak babestuz.
Aurten, programa berarekin jarraitu nahi da, proiektu bakoitzeko gehieneko kopurua murriztuz, eta horrela, enpresa gehiago diruz lagundu ahal izateko, baldin eta proiektuak benetan berritzaileak badira eta fase oso aurreratuan badaude, produktu berriaren merkaturatzea bermatzeko.
Eskaerak aurkezteko epea.
2.1. Eskaerak aurkezteko epea hilabete bat izango da, deialdia Gipuzkoako Aldizkari Ofizialean argitaratu eta hurrengo egunetik aurrera zenbatzen hasita. Epearen azken eguna larunbata, igandea edo jaieguna balitz, hurrengo egun balioduna izango da azken eguna.
2.2. Proiektuek 2017ko urtarrilaren 1etik aurrera hasiak behar dute izan.
Ez dago iruzkinik