28 Feb Fakturatzeko obligazioak arautzen dituen Erregelamendua onartzea (GFA)
Indargabetzen den erregelamenduaren sistematika berari jarraitzen dio Erregelamenduak, eta 2010/45/EE Direktibak sartutako lege-agindu berritzaileak jaso eta garatzen ditu.
Sartzen diren berrikuntza nagusiak honakoak dira:
— Enpresari eta profesionalen segurtasun juridikoa handiagoa izan dadin, argitu egiten dira Erregelamendu horretan ezarritako fakturazio arauak aplikatu behar diren kasuak.
— Faktura jaulkitzeko obligazioari dagokion berrikuntza gisa, ezartzen da obligazio hori ez exijitzea finantza zerbitzu eta aseguru prestazio jakin batzuen kasuan, non eta ez den ulertzen eragiketa horiek zergaren aplikazio lurraldean, edo Europar Batasuneko beste estatu batean, egin direlarik salbuetsirik ez baizik eta zergapetuta daudela.
— Lehen aipatutako 2010/45/EE Direktibak ezarritako bidetik fakturazio sistema harmonizatua ezartzearren, eta enpresari txiki eta ertainen zein profesionalen funtzionamendua sustatu eta erraztearren, ezartzen den fakturazio sistemak bi faktura mota izango ditu oinarri: Faktura oso edo arrunta, eta tiket deituak ordezkatuko dituen faktura sinplifikatua
Ez dago iruzkinik