12 Jul (EJEP) Bizileku eraikinetan eta merkataritza establezimenduetan irisgarritasuna eta energia eraginkortasuna hobetzeko ekintzak bultzatzeko diru-laguntzak. 2017ko urtea
702/2017 Ebazpena, maiatzaren 4koa, Irungo Udaleko Alkatetzarena, zeinaren bidez bizitegi eraikinetan eta merkataritza establezimenduetan ibilerraztasuna eta eraginkortasun energetikoa hobetzeko diru laguntzak emateko oinarri arautzaileak onartzen diren.
1031/2017 Ebazpena, ekainaren 16koa, Irungo Udaleko Alkatetzarena, zeinaren bidez bizitegi eraikinetan eta merkataritza establezimenduetan ibilerraztasuna eta eraginkortasun energetikoa hobetzeko diru laguntzak emateko 2017ko deialdia onartzen den.
Diru-laguntzaren 38/2003, azaroaren 17ko Lege Orokorraren 17.3.b eta 20.8.a artikuluetan xedatutakoaren arabera, argitaratzen da deialdiaren laburpena. Honen testu osoa Diru-laguntzen Datu-Base Nazionalean (http://www.pap.minhap.gob.es/ bdnstrans) eta Irungo Udalaren internet atarian (www.irun.org) kontsulta daiteke.
Xedea.
Deialdi honen xedea da ondoko esku hartze esparru hauetan diru-laguntzak emateko baldintzak arautzea:
Lehenengo atala. Irisgarritasun alorreko hobekuntzak.
Etxebizitza eraikinetan.
Ahal den neurrian bederen, Irisgarritasun Legea betetzeko zailtasunak konpontzeko jarduerak, igogailurik ez dutelako edo toki egokian ez daudelako, atarien barnean edo atarira sartzeko eremuan desnibelak (eskailerak) edo beste eraikuntza-oztopo batzuk egoteagatik. Eta azkenik, etxebizitzen barruan geletarako irisgarritasuna hobetzen duten eta barnealdean mugikortasuna eragozten duten oztopoak kentzeko jarduerak.
Merkataritza establezimenduetan.
Ahal den neurrian bederen, Irisgarritasun araudira hobeto egokitzeko jarduerak. Haien barnean daude eskaileren bidez gainditzen diren desnibelak, beste konponbiderik ez dutenak, ahal den neurrian kanpo ibilbidean eta lokalen barnealdean maila desberdinei irtenbidea ematen dieten jarduerak dira, gela eta aretoetara joateko irisgarritasuna hobetzen dutenak eta barnealdean mugikortasuna arriskuan jartzen duten oztopoak kentzeko direnak.
Bigarren atala. Energia eraginkortasunaren alorreko hobekuntza jarduerak, EIEPn jasoak.
Etxebizitzetako nahiz merkataritza establezimenduetako instalazioen energia eraginkortasun mailak handitzeko jarduerak, funtzionamendu eta okupazio baldintza arruntetan energiaren kontsumoa murrizteko helburua dutenak, besteak beste, berotze sisteman, hozte sisteman, aireztapenean eta ur beroaren ekoizpenean kontsumituriko energia.
Onuradunak.
Esku hartzearen arabera:
- Irisgarritasuna hobetzea:
Etxebizitzetarako, diru-laguntza hau eskatu ahal izango dute esku hartzea egin behar den higiezinean jabetza horizontalaren erregimenean eraikinen jabe diren pertsona fisikoek edo Jabekideen Komunitateek.
Jabetza horizontalaren erregimeneko eraikinen kasuan, beharrezko ordezkaritza duen pertsonaren bidez esku hartuko dute Jabekideen Komunitateek.
Merkataritza establezimenduetarako, Diru-laguntza hau eskatu ahal izango dute deialdi honen xedearekin bat datozen jarduerak burutzen dituzten partikularrek, kolektiboek edo enpresa pribatuek, jarduera horiek Irunen dauden establezimenduetan egiten direnean, baldin eta oinarri hauetan jasotako diruz laguntzeko moduko proiektu modalitatearekin bat badatoz.
- EIEParen barnean dauden jarduerak:
Diru-laguntza hau eskatu ahal izango dute deialdi honen xedearekin bat datozen jarduerak burutzen dituzten partikularrek, kolektiboek edo enpresa pribatuek, jarduera horiek Irunen dauden establezimenduetan egiten direnean, baldin eta oinarri hauetan jasotako diruz laguntzeko moduko proiektu modalitatearekin bat badatoz.
II.-Betiere, Irungo udal barrutian dauden eraikinetan edo instalazioetan egindakoak izango dira diruz lagun daitezkeen esku hartzeak.
Araubide juridikoa.
Honako xedapen hauek dira deialdi hau arautzen durenak:
Kontrataziorako laguntzak eskatzeko prozedura arautzen duten oinarriak, Alkatetzaren maiatzaren 4ko 702/2017 Ebazpenaren bidez onetsiak (95 zk.ko Gipuzkoako Aldizkari Ofiziala, 2017/05/19).
Azaroaren 17ko Diru-laguntzen 38/2003 Lege Orokorra (03/11/18ko Estatuko Aldizkari Ofiziala).
Diru-laguntzen Lege Orokorra onesten duen ekainaren 21eko 887/2006 Errege Dekretua (06/07/25eko Estatuko Aldizkari Ofiziala).
Deialdiaren baliabide ekonomikoak.
Laguntza hauetarako jarri diren baliabide ekonomikoak 160.000,00 eurora iristen dira (ehun eta hirurogei mila) eta udal aurrekontuko 1.07.10.480.01.152.20 aurrekontu-aplikazioan kontsignatuta daude. Tokiko Gobernu Batzarrak 2017ko martxoaren 29an hartu zuen erabakiaren bidez baimendu da gastua, eta A-1311/2017 kontabilitate-agiria egin da.
Diru-laguntzen guztizko kopuruak ez du gaindituko dagokion izendapena eta eguneratu ondoren sortutakoa, indarrean dagoen legeriaren arabera aurrekontu aldaketak onartzen badira.
Behin izendatutako kreditua agortu ondoren ez de beste diru-laguntzarik emateko erabakirik hartuko. Halaz ere, oinarri hauen erregulazioaren arabera erantzunak izateko beharreko baldintza guztiak betetzen dituzten eskaerak, baliabide ekonomikorik ez izateagatik bakarrik onartu ez direnak, hurrengo ekitaldian onartu ahal izango dira aurrekontu izendapenik eta beharreko deialdirik badago, berriz eskaera aurkezteko beharrik izan gabe.
Eskaerak aurkezteko epea.
Deialdia Gipuzkoako Aldizkari Ofizialean argitaratzen diren egunaren hurrengotik hasi eta 2017ko urriak 31 arte luzatuko da eskaerak aurkezteko epea.
Deialdia argitara ematea.
Oinarri arautzaileak eta haien babesean emandako diru-laguntzak bezala, deialdia udalaren www.irun.org web orrian argitaratuko dira, eta Gipuzkoako Aldizkari Ofizialean, Diru-laguntzei buruzko 38/2003 Lege Orokorreko 9. artikuluarekin bat etorriz, eta Diru-laguntzen Datu Base Nazionalean (BDNS), aipatutako Legeko 18. eta 20. artikuluen arabera.
Irun, 2017ko ekainaren 21a.—Hirigintzako teknikaria.
(4559)
Ez dago iruzkinik