27

mar / 2020

Bidasoa bizirik-eko Enpresa Zentroetako ekintzaileek ez dute alokairua ordainduko Alarma estatuak irauten duen bitartean

Irungo eta Hondarribiko udalek bihar onartuko dute lokal horien hileko alokairuen ordainketa erabat eteteko erabaki-proposamena

Irun, 2020ko martxoaren 26a.- Bidasoa bizirik-eko Administrazio Kontseiluak, Irungo eta Hondarribiko udalen sozietate publikoak, bihar onartuko du Bidasoa bizirik-eko Enpresa Zentroetako (Arretxe Ugalde, Ficoba eta Puntal Bizirik) enpresa errentariei lokalen alokairuen hileko ordainketa aldi baterako eteteko erabaki-proposamena.

463/2020 Errege Dekretuaren ondorioak arintzeko hartutako neurri bat da, zeinaren bidez alarma-egoera deklaratzen baita COVID-19k eragindako osasun-krisiko egoeraren aurrean, bai eta Eusko Jaurlaritzak ezarritako osasun-alertako egoeraren aurrean ere.

“Kontuan hartuta testuinguru honetan jarduera ekonomikoaren garapena erabat baldintzatuta eta mugatuta dagoela ezinbesteko kausagatik, Bidasoa bizirik-eko Enpresa Zentroetatik lan egiten duten enpresek ez dute alokairua ordainduko lurralde nazionalean alarma-estatuak indarrean jarraitzen duen bitartean eta Euskal Autonomia Erkidegoan osasun-alerta egoeran gauden bitartean”, azaldu du Miguel Ángel Páez Bidasoa bizirik-eko presidenteak..

Bestalde, Bidasoa bizirik-eko presidenteorde Maria Serranok argitu du eten bat dela, ez atzerapen bat: “Alokairuak ordaintzeak lokal horiek okupatzen dituzten Irun eta Hondarribiko ekintzaileek bizi duten egoera prekarioa larriagotu baino ez luke egingo; izan ere, lokal horietatik lan egiten duten ekintzaileek COVID-19ko krisiak eragindako ondorio negatiboak pairatzen ari dira”.


Sarrera hau Artikulua, Diru-laguntzak, Ekintzaile-komunitatea, Ekintzailetza-Emprendizaje kategorietan argitaratu da eta , , , , , , , etiketarekin. Gorde permalinka.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude