09 Feb Desberdintasun-egoerak detektatzeko eta horiek desagerrarazteko Bidasoa bizirikek ikastaro bat emango du
Desberdintasun-egoerak detektatzeko eta horiek desagerrarazteko Bidasoa bizirikek ikastaro bat emango du
- "Berdintasuna Lantzen" proiektua prestakuntza-ibilbide kualifikatzaile batek osatzen du, 3. mailako profesionaltasun-ziurtagiri baten bidez.
- Langabezian dauden 13 emakumek parte hartzen dute, gehienak Bidasoaldekoak
Irun eta Hondarribiko Udalek, Bidasoa biziriken bitartez, "Berdintasuna Lantzen" proiektua jarri dute abian. Proiektu horrek prestakuntza-ibilbide bat du, eta parte-hartzaileak desberdintasun-egoerak detektatzeko gaitzea du helburu, egoera horiek gizarte osoaren aurrean ikusaraziz, prebentzioan eta desagerraraztean lan eginez erakundeekin eta gizarte-eragileekin lankidetzan, eta emakumeen herritarren parte-hartzea bultzatuz.
Proiektuak prestakuntza-ibilbide kualifikatzaile bat du, 3. mailako profesionaltasun-ziurtagiri baten bidez osatua ("Emakumeen eta gizonen berdintasun eragingarrirako sustapena (SSCE0212)"). Halaber, parte-hartzaile bakoitzak lanekoak ez diren 120 orduko prestakuntza-praktikoak burutuko ditu. Era berean, proiektua "Soft skills" gaitasunak garatzeko tailer batekin osatuko da. Bertan, enplegagarritasunarekin eta emakumeen eta gizonen berdintasun eraginkorrerako sustapenaren lan-esparruarekin lotutako zeharkako konpetentziak identifikatu, balioetsi eta entrenatuko dira.