• Español
  • Euskera

ekintzailetza@bidasoa-activa.com / 943 509 600

26 May

Posted at 11:03h in Artikulua, Berrikuntza - Innovación, Cultura, Ekintzaile-komunitatea, Ekintzailetza-Emprendizaje, Enpresa-kudeaketa, Eventos, Formakuntza, Jardunaldia-Jornada, Proiektuak, Tecnología, Teknologia, Topaketak
Arrakasta handia izan du “AA Kultura eta Sormenerako” jardunaldiak, Bidasoa bizirik-ek antolatuta   Bidasoa Gunean egindako jardunaldiak baieztatu du kultura- eta sormen-sektorearen interesa gero eta handiagoa dela Adimen Artifizialarekiko. Irungo eta Hondarribiko udalek, Bidasoa biziriken bitartez eta Basque District of Culture and Creativity (BDCC) erakundearekin elkarlanean, “AA Kultura eta Sormenerako – Eguneroko kudeaketa eraldatzeko tresnak” jardunaldia antolatu zuten maiatzaren 15ean Bidasoa Gunean. Topaketak eskualdeko kultura- eta sormen-sektoreko profesionalak bildu zituen, Adimen Artifiziala eguneroko lanean nola txerta daitekeen modu praktiko eta eraginkorrean aztertzeko. Saioan, AAren hainbat aplikazio aurkeztu ziren, prozesuak optimizatzeko, sormenari denbora gehiago eskaintzeko eta benetako datuetan oinarritutako erabakiak hartzeko aukera ematen dutenak, erakunde kulturaletan eraginkortasuna, iraunkortasuna eta berrikuntza sustatzeko helburuarekin. “Jardunaldi honek izan duen harrera bikainak erakusten digu Bidasoako sormen-sektorea prest dagoela transformazio digitalerantz urrats sendoak emateko. Adimen Artifiziala ez da jada urruneko kontzeptu bat, baizik eta denon eskura dagoen tresna bat”, adierazi du Nuria Alzagak, Bidasoa bizirikeko presidenteak. Eguneroko erabilerarako programa praktikoa Jardunaldia Bidasoa bizirik eta BDCCren ongietorriarekin hasi zen. Ondoren, Leire Legarretak (We are Clickers) AAren rola kultur eta sormen-industrian aliatu gisa azaldu zuen bere hitzaldian. Horren atzetik, Teklak enpresaren kasu praktikoa, Irene Intxaustirekin, eta MediaAttack-ena, Diego Urruchirekin, aurkeztu ziren, teknologia hauek benetako testuinguruetan nola aplikatzen diren erakusteko. Azken saio praktikoan, parte-hartzaileek AA tresnekin zuzenean esperimentatzeko aukera izan zuten, eguneroko kudeaketarako aplikagarriak diren tresnekin, ikaskuntza aktiboa eta konponbide berrien esplorazioa sustatuz.

04 Feb

Posted at 15:29h in Artikulua, Ekintzaile-komunitatea, Enpresa-kudeaketa, Proiektuak, Tecnología, Teknologia

"Bidasoa Zirkularra eta Jasangarria", "Bidasoa Digitala" eta "Enpresa Estrategia" ETE industrialen lehiakortasuna hobetzeko hiru proiektu berriak, Bidasoa bizirikek abiaraziak

Irun eta Hondarribiko Udalek, Bidasoa biziriken bitartez, eskualdeko industria sarea indartzeko funtsezko hiru ekimen jarri dituzte abian urtarrilean. Tokiko enpresen iraunkortasuna, digitalizazioa eta kudeaketa estrategikoa hobetzera bideratuta daude ekintza horiek, haien lehiakortasuna eta merkatuaren erronka berrietara egokitzeko gaitasuna indartzeko.

"Industria-sektorearen bilakaerak etengabeko laguntza behar du haren iraunkortasuna eta hazkundea bermatzeko. Bidasoa biziriketik, gure enpresekin batera lan egiten dugu, egungo eta etorkizuneko erronkei aurre egiteko prest egon daitezen ", adierazi du Nuria Alzagak Bidasoa bizirikeko presidenteak.

Bidasoa Zirkularra eta Jasangarria

"Bidasoa Zirkularra eta Jasangarria" programak eskualdeko industria-enpresetan karbono-aztarna murriztea eta praktika jasangarriak sustatzea du helburu. Urtarrilaren 15etik aurrera, 15 enpresak parte hartzen dute ekimen honetan. Ekimen horren barruan sartzen dira emisioak neurtzea, hobekuntza-planak garatzea eta MITECOren HCC zigilua lortzea.

Proiektuan parte hartzen duten konpainiek hainbat sektore hartzen dituzte, metalezko egituren fabrikaziotik hasi eta osagai elektronikoen ekoizpeneraino:

Follow by Email
RSS